Advertisement
Sábado, 16 de enero de 2021
Ciudad Rodrigo al día

Andanciu

El ‘tamborileru’ y escritor José Benito Mateos Pascual ofrece un artículo en la parla d’El Rebollal

La riqueza de las distintas modalidades lingüísticas de España es un patrimonio cultural que será objeto de especial respeto y protección (artículo 3.3. de la Constitución) 

El pasáu 31 de Diciembi le dijimus “vai con Dios” al añu 2020, un añu que quedará en la nuestra mimoria comu’l “Añu el Andanciu”. Y es qu’el añu que dejamus atrás quedará, pa siempri, marcáu en negru nel calendariu porque mos truju’l bichu y, con él, el Andanciu con mayúsculas, un Andanciu que mos ha teníu afecháus en las nuestras cassas, sin podel salil de los nuestrus pueblus en semanas, con las tabernas, restauranis y comercius afecháus (angunus, pa siempri), sin las fiestas los nuestrus pueblus, sin podel vel a la nuestra genti,... 

Y, con tólu malu que jué esu, lo peol es la genti que, pol mé’l Andanciu, se jué pa no golvel pos, sobri tó a lo primeru, pocu o menus se sabía de lo qu’estaba pasandu. Y la genti se jué sin despedilsi, sin compaña, y sin podel la familia, en muchus casus, despedilsi d’ellus “comu Dios manda”. Agora que paici que vienin las famosas vacunas paici que se ve la lús al final peru, ¿p’andi mos va a lleval? Porqu’es muchu lo que s’ha perdíu y muchu lo que no golveremus a recuperal. Las cosas, por muchu que lo pensemus, nunca no van a golvel a sel comu antis... 

Sin querel metelmi en el tema d’andi ha veníu el bichu, lo que mos ha decjáu craru son dos cosas. Lo primeru, qu’el nuestru sistema de salús no estaba preparáu pa lo que se mos ha veníu encima. Faltan médicus, faltan hospitalis (¿pa cuándu unu en Ciarrodrigu?), falta personal,... Y faltan medius. Algu que himus sufríu con juerza enas tres provincias el Reinu de Llión, Salamanca, Zamora y Llión. Y es que jasta’l tema el Andanciu lo han centralizáu andi siempri... “Los nuestrus representantis” mos jidun creel qu’el recortal en Sanidá mos iba a salil de baldi y la realidá mos ha dáu un mochadu enas naricis,... La sanidá es un DERECHU, anque angunas vedis quieran jadelmus creel qu’es un negociu... Y lo segundu, que a los nuestrus políticus, sobri tó de los partíus estatalis, les ha faltáu tiempu pa ussal el Andanciu comu arma contra el contrariu... ¡Qué nivel! Pa echalsi a lloral... 


Agora, lo peol no es lo que himus pasáu, sinu lo qu’está pol venil. Y es que, con vacuna y con tó, no tieni pinta d’acabalsi el Andanciu n’esti añu. Asina que, dispués el “Añu el Andanciu”, apencipiamus agora el “Segundu Añu el Andanciu”. Esperemus que no jaga güenu al que se jué... 

NOTA: artículu escritu en la "palra d'El Rebollal" (mó y manera de palral el llionés n'El Rebollal)